Безараргардонии зарфҳои химиявӣ
Бо дастгирии Ҳукумати Ҷумҳурии Тоҷикистон Муассисаи давлатии “Рушди соҳибкорӣ дар соҳаи кишоварзӣ” дар доираи компоненти 3-и лоиҳаи “Баланд бардоштани устувории кишоварзӣ” аз соли 2024 безараргардонии маводҳои химиявию заҳрхимикатҳои кӯҳнашуда ва зарфҳое, ки дар он маҳлулҳои химиявӣ истифода карда шудаанд, безараргардонии онҳоро ба роҳ мондааст.
Ин иқдом дар асоси шартномаи байни Муассисаи давлатии “Рушди соҳибкорӣ дар соҳаи кишоварзӣ” ва Ташкилоти ҷамъиятии “Пешсаф” аз Муассисаи давлатии “Муҳофизати растаниҳо ва химикунонии кишоварзӣ” оғоз гардида, баъдан аз Институти хокшиносӣ ва агрохимияи Академияи илмҳои кишоварзии Тоҷикистон, кафедраи химияи Донишгоҳи аграрии Тоҷикистон ба номи Ш.Шоҳтемур ва Муассисаи давлатии “Экспедитсияи мубориза бар зидди малах” давра ба давра амалӣ гардида истодааст.
Санаи 12 — уми марти соли ҷорӣ мутахассисони муассиса дар якҷоягӣ бо кормандони Ташкилоти ҷамъиятии “Пешсаф” дар доираи лоиҳаи “Баланд бардоштани устувории кишоварзӣ” аз амборҳои Муассисаи давлатии “Экспедитсияи мубориза бар зидди малах” 915 адад зарфҳое, ки дар он маҳлулҳои химиявӣ истифода карда шудаанд барои безараргардонӣ ба партовгоҳи заҳрхимикатҳои кӯҳнашудаи ноҳияи Вахш интиқол додаанд.
Мутахассисони соҳа зарфҳоро тибқи риояи талаботҳои бехатарӣ ҳангоми интиқол ва бандубаст намудан аз либосҳои махсус истифода намуда, тавассути автомашинаи махсусгардонидашуда ба партовгоҳ бурда расониданд.
