Конфуронси илмию амалӣ дар мавзӯи “Истеҳсол ва ғанигардонии биринҷ бо микронутриентҳо”

Дар рӯзи дуюми сафари корӣ санаи 12 декабри соли ҷорӣ дар толори васеъи меҳмонхонаи Makati конфуронси илмию амалӣ дар мавзӯи “Истеҳсол ва ғанигардонии биринҷ бо микронутриентҳо” аз тарафи коршиносон баргузор гардид.

Дар кори конфуронс вобаста ба мавзӯи мазкур коршиносон ва намояндагони дафтари Барномаи озуқавории ҷаҳонӣ (БОҶ), Идораи миллии озуқавории раёсати кишоварзӣ, Институти тадқиқотии илмии ғизои раёсати илм ва технологияи озуқаворӣ ва мушовирони байналмилалӣ иштирок ва суханронӣ намуданд.

Ҷаласаи мазкурро бо сухани ифтитоҳӣ роҳбари дафтари БОҶ Депоян Бхатаҷария оғоз намуда, иштирокчиён ва меҳмонони ҳузурдоштаро хайрамақдам намуд. Сипас мушовир доир ба ғанигардонии маҳсулоти хурокворӣ Гектор Маглаланг оид ба “Нақшаи раванди ғанигардонии маҳсулоти хурокворӣ барои солҳои 2023-2028” ахбороти муфассал пешниҳод намуд. Ӯ ҳамчунин иброз дошт, ки аз соли 1992 оғози ин раванд дар Ҷумҳурии Филипин дар асосӣ тадқиқотҳои пажӯҳишгоҳҳои масъул ба роҳ монда шуда, то ин давра барои пешгирӣ намудани бемориҳои вобаста ба норасогии микронутриентҳо ва ташаккули тарзи ҳаёти солим мусоидат менамояд.

Дар ин самт санади ҳуқуқӣ №11037 аз соли 2000 қабул гардида, барои пешбурди сиёсати ин самт ва ҳатмикунонии сертификатсияи он, талаботҳоро муқарар намудааст. Истифодаи витамину минералҳои лозима танҳо баъд аз гузаронидани тадқиқотҳо аз ҷониби пажуҳишгоҳҳои дахлдор дар маҳсулотҳои ихтиёран ѓанигардонидашаванда (маҳсулоти макаронӣ, снекҳо, гушт ва маҳсулоти баҳрӣ) аз тарафи роҳбарони корхонаҳои истеҳсолӣ ба роҳ монда мешаванд.

Тибқи нақша доир ба мавзӯҳои зикргардида хонум Карленет Сан Валентин — роҳбари дафтари сиёсати барномаи БОҶ ва Карел Энн Анҷелес — корманди масъули харид дар (БОҶ) маърӯзаҳо пешниҳод намуданд. Инчунин аз тарафи хонум Магдалина Портиа Кан – роҳбари ширкати хусусӣ оид ба тадбиқи иҷрои нақшаи ғизои мактабӣ маърӯза пешниҳод карда шуд. Ӯ изҳор намуд, ки маблағгузории ғизои мактабӣ аз тарафи Ҳукумати Филипин пардохт карда шуда, таъмини озуқаи дар ин самт пешбинигардида аз ҷониби ширкатҳои хусусӣ таъмин карда мешаванд.

Дар фарҷоми семинар аз тарафӣ чор ширкат, муаррифии коркарди молу маҳсулоти ғанигардонидашуда, таҷҳизотҳо барои ғанигардонӣ ба марази тамошо гузошта шуд.