Омӯзиши таҷрибаи Ҷумҳурии Филипин оид ба масъалаи муҳимияти ғанигардонии маҳсулоти ғизоӣ
Ҳайати гурӯҳи кории Ҷумҳурии Тоҷикистон бо мақсади омӯзиши таҷрибаи Ҷумҳурии Филипин оид ба масъалаи муҳимияти ғанигардонии маҳсулоти ғизоӣ, санаи 11 декабри соли ҷорӣ бо роҳбари дафтари намояндагии Барномаи озуқавории ҷаҳонӣ (БОҶ) дар Ҷумҳурии Филипин мулоқоти корӣ анҷом доданд.
Дар мулоқот оид ба масъалаи муҳимияти ғанигардонии маҳсулоти хурокворӣ, тартиб додани ҳуҷҷатҳои меъёрии техникии раванди технологӣ, гирифтани намунаҳои назоратӣ, риоя намудани сифати маҳсулоти ғанигардонидашуда ва дигар роҳу усулҳои он мабодилаи афгор сурат гирифт.
Сипас аз ҷониби масъулини дафтари намояндагии мазкур рунамо (презентатсия) оид ба мавҷудияти санадҳои меъёрии ҳуқуқии дар ин самт таълуқдошта ва инчунин сохторҳои масъул, аз ҷумла Идораи миллии озуқавории раёсати кишоварзӣ ва Институти тадқиқотии илмии ғизои раёсати илм ва технологияи озуқаворӣ, ки сиёсати татбиқи раванди ғанигардониро анҷом медиҳанд маълумот пешниҳод карда шуд.
Пас аз анҷоми маърӯзаҳои мақомотҳои дар болозикргардида табодули таҷрибаи ин давлат мавриди муҳокимаронии вазорату идораҳо қарор дода шуд. Маълум гардид, ки барои амалӣ намудани раванди ғанигардонӣ доир ба интихоби маҳсулот, пешгирии бемориҳо вобаста ба норасоии микронутриентҳо, (мениралу витамин) гузаронидани мониторингро оид ба муайян намудани гурӯҳи бемориҳо маҳз Институти тадқиқотии илмии ғизои раёсати илм ва технологияи озуқаворӣ анҷом медиҳад.
Аз ҷониби роҳбари он изҳор гардид, ки маҳз раванди ғанигардонӣ, метавонад боиси пешгирӣ намудани бемориҳои вобаста ба норасогии микронутрентҳо гардад. Мувофиқи тадқиқоти гузаронидаи ин марказ ва тибқи қонуни амалкунанда дар Ҷумҳурии Филипин маҳсулотҳои зерин – биринҷ, равған, намак ва шакар ба таври ҳатмӣ ғанӣ гардонида мешаванд.
Масъулияти тадбиқи раванди ғанигардонии маҳсулот дар корхонаҳои истеҳсолӣ бо анҷом додани корҳои профилактикӣ ва омӯзиширо пажӯҳишгоҳи мазкур ба дӯш дорад.
Дар анҷоми мулоқоти корӣ барои рушди ҳамкориҳои минбаъда аз ҷониби гурӯҳи корӣ ба роҳбарони сохторҳои мазкур тӯҳфаҳои хотиравӣ тақдим карда шуд.
