САФАРИ ГУРӮҲИ КОРӢ ҶИҲАТИ ШИНОСОӢ АЗ ФАЪОЛИЯТИ МАРКАЗҲОИ АГРОЛОГИСТИКИИ КИШВАРҲОИ ФАРОНСА ВА ИТОЛИЁ

Бо максади шиносоӣ аз таҷрибаи кишварҳои Фаронса ва Итолиё дар самти бунёд ва фаъолияти марказҳои агрологистикӣ, ҳамкории онҳо бо истеҳсолкунандагони маҳсулоти кишоварзӣ, басту банд, фурӯш ва содироти маҳсулоти кишоварзӣ ҳайати гурӯҳи корӣ бо иштироки намояндагон аз Ҳукумати Ҷумҳурии Тоҷикистон, Вазоратҳои кишоварзӣ, молия, саноат ва технологияҳои нав, рушди иқтисод ва савдо, Мақомоти иҷроияи ҳокимияти давлатии вилоятҳои Суғд, Хатлон, ВМКБ, ш.Душанбе ба кишварҳои Фаронса ва Итолиё сафари корӣ анҷом медиҳанд.

Ҳайати гурӯҳро дар шаҳри Париж намояндагони Сафорати Тоҷикистон дар давлати Фаронса истиқбол намуданд. Тибқи накша ҷиҳати табодули таҷриба дар масъалаҳои бунёди марказҳои агрологистикӣ, коркард ва нигоҳдории маҳсулотҳои кишоварзӣ махсусан меваву сабзавот мувофиқи талаботҳо ва стандартҳои аврупоӣ, воридот ва содирот бо истифода аз намунаи платформаи бузурги агрологистикӣ ва низоми идоракунии тиҷоратӣ аз наздик шинос гардидида истодаанд.

Ҳайати гурӯҳ тибқи барнома аз санаи 24 то 27 августи соли ҷорӣ дар шаҳри Парижи Фаронса қарор доштанд. Тибқи нақша дар ду рӯзҳои аввал аз ҷониби ширкати байналмиллалии «Ҷингер СОФРЕКО» ҳамчун машваратчии лоиҳа тариқи рунамо оид ба тарзи бунёди марказҳои агрологистикӣ дар вилоятҳои Хатлону Суғд ва шаҳри Душанбе маълумоти муфассал пешниҳод намуданд. Инчунин маълумот оид ба истеҳсол ва гардиши маҳсулотҳои кишоварзӣ дар давлатҳои Аврупо манзури иштирокдорон гардонида шуд.

Рӯзи дигар барои шиносоӣ ва дида баромадани фаъолияти агрологистикӣ ҳайат ба яке аз марказҳои азими агрологистикии Ранчиси шаҳри Париж ки дар Аврупо яке аз бузургтарин ба ҳисоб рафта дар масоҳати 234 га ҷойгир шудааст ташриф оварданд.

Дар ин марказ бо тарзи ҷудокунӣ, бандубаст, нигоҳдорӣ ва фурӯши маҳсулотҳои баҳрӣ, гӯшту шир ва меваю сабзавот шинос шуда, аз нозукиҳои он маълумот ба даст оварданд.

Аз рӯи барнома сафари омузишӣ аз санаи 28 то 31 август дар кишвари Итолиё идома меёбад.