БАРГУЗОРИИ СЕМИНАРИ НАВБАТИИ «ТАБИБОНИ ХОК» ДАР Ш. ВАҲДАТ

Бо дастгирии Муассисаи давлатии “Рушди соҳибкорӣ дар соҳаи кишоварзӣ” дар якҷоягӣ бо Созмони озуқаворӣ ва кишоварзии Созмони Милали Муттаҳид дар Ҷумҳурии Тоҷикистон (ФАО) Шурӯъ аз санаи 28 апрели соли ҷорӣ семинари омӯзишии назариявию амалӣ дар мавзӯи «Табибони хок» баргузор гардида истодааст.

Ҳадаф аз баргузории чунин семинарҳои омӯзишӣ ин сари вақт омода намудани мутахассисони соҳаи хокшиносӣ ҷиҳати омӯхтани таркиби элементҳои хок бо истифода аз технологияи муоссир ва андешидани тадбирҳои зарурӣ барои барқарор намудани микроэлементҳо дар хок ба ин валсила боз ҳам баланд бардоштани ҳосилнокии зироатҳои кишоварзӣ мебошад.

Семинари омӯзишии “Табибони хок” дар доираи лоиҳаи “Баланд бардоштани устувории кишоварзӣ” давра ба давра дар миқёси кишвар барои мутахассисони соҳаи хокшиносӣ пешбинӣ гардида, айни ҳол чорабинии мазкур дар шаҳри Ваҳдат баргузор гардида истодааст.

Дар рафти чорабинии омӯзишӣ баромадҳо оид ба масъалаҳои мазкур тавассути як силсила презентатсияҳо (рунамо) иборат буд, ки доираи васеи мавзӯъҳои муҳимро барои татбиқи стратегияҳои омӯзиш ва ҳифзи ҳамгироёнаи хокро фаро мегирифт.

Семинари мазкур ду рӯз (20 ва 21) идома ёфта, дар қисмати омӯзиши хокҳои саҳроӣ аз ҷониби олимони соҳа тибқи нақша дар саҳро тавассути таҷҳизотҳои муоссир элеметҳои гуногуни дар хокбуда ва ҳолати воқеии таркиби онро муайян намуда, пешниҳоди иштирокчиён гардонида шуд.

Чорабинии мазкур барои мутахассисони соҳаи хокшиносӣ ва соҳаи кишоварзӣ роҳандозӣ гардида, то онҳо тавонанд мутахассисон бо истифода аз технологияҳои муоссир донишу малакаи хешро боз ҳам мукаммал гардонида, дар оянда татбиқи илмро дар амал ҷорӣ намоянд.

Дар фарҷоми семинар аз ҷониби масъулин ба иштирокчиён дар доираи корҳои иҷрогардида саволҳо пешниҳод гардид ва онҳо тавонистанд ба он ҷавобҳои мушаххас гардонанд.