Ташрифи Пешвои муаззами миллат муҳтарам Эмомалӣ Раҳмон ба ноҳияи Бобоҷон Ғафуров

11 апрел Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Бобоҷон Ғафуров ба Минтақаи таълимӣ — таҷрибавии “Палос”-и Донишгоҳи давлатии Хуҷанд ба номи академик Бобоҷон Ғафуров ташриф оварда, дар бунёди боғи интенсивии зардолу, гелос ва токи ҳавозавӣ иштирок карданд.

Ҳамчунин дар ҳамин ҷо ба Президенти Ҷумҳурии Тоҷикистон муҳтарам Эмомалӣ Раҳмон техникиву мошинолоти наву замонавие, ки аз ҷониби Муассисаи давлатии «Рушди соҳибкорӣ дар соҳаи кишоварзӣ” дар доираи лоиҳаи “Баланд бардоштани устувории кишоварзӣ” барои коркарди байни қаторҳои боғу токзор ва зироатҳои кишоварзӣ пешбинӣ гардидааст, аз ҷониби директори Муассисаи давлатии “Рушди соҳибкорӣ дар соҳаи кишоварзӣ” Далер Саторӣ муаррифӣ карда шуд.

Ёдовар мешавем, ки дар асоси дастуру супоришҳои Роҳбари давлат муассисаи зикргардида ба хоҷагиҳои тухмипарвар ва хоҷагиҳои эҳтиёҷманди ҳамаи шаҳру ноҳияҳои вилояти Суғд тухмиҳои гуногуни хушсифати зироатҳои кишоварзӣ бо нуриҳои минералӣ ва зиёда аз 920 техника мошинолотҳои кишоварзӣ бо қисмҳои эҳтиётии он, тақдим гардида буд.

Дар намоишгоҳ миёни тракторҳои хурд, инчунин воситаҳои муосири техникӣ барои кучат кардани шолӣ низ мавҷуд буда, имконоти техникии дигар мошинолоти соҳавӣ ҳам ба талаботи хоҷагидорон мувофиқ мебошад.