Баланд бардоштани ҳосилхезии хок

Бо мақсади дастгирии Институти хокшиносӣ ва агрохимияи Академияи илмҳои кишоварзии Тоҷикистон мутахассисони Муассисаи давлатии “Рушди соҳибкорӣ дар соҳаи кишоварзӣ” дар якҷоягӣ бо намояндаи Ташкилоти озӯқаворӣ ва кишоварзии Созмони миллали мутаҳид (ФАО) санаи 6 октябри соли ҷорӣ сафари хизматӣ ба шаҳри Бохтари вилояти Хатлон ба анҷом расониданд.

Дар рафти сафар шиносоӣ бо ҳолати воқеии озмоишгоҳи таҳлили хок ва вохурӣ бо мутахассисону кормандони Стансияи таҷрибавии хокшиносӣ- мелиоративии Вахши Институти хокшиносӣ ва агрохимияи АИКТ баргузор карда шуд.

Барои амалӣ намудани ҳадафҳои Лоиҳа ҷиҳати беҳтар кардани идоракунии ҳосилхезии хок ва кишоварзии дақиқ дастгирии стансияи мазкур пешбинӣ гардида, татбиқи Лоиҳаи “Баланд бардоштани устувории кишоварзӣ” барои рушди соҳаи хокшиносӣ ва агрохимия саҳмгузор хоҳад шуд.