ТАҚСИМОТИ ТУХМИИ ҒАЛЛАДОНА БО НУРӢ ОҒОЗ ГАРДИД.

Ҷиҳати рушди соҳаи тухмипарварӣ санаи 30-сентябри соли ҷорӣ мутахассисони Муассисаи давлатии “Рушди соҳибкорӣ дар соҳаи кишоварзӣ” дар доираи Компоненти 1- уми лоиҳаи “Баланд бардоштани устувории кишоварзӣ” тақсимоти тухмии гандуми хушсифати гурӯҳи элитаро ба хоҷагиҳои тухмипарвари чумҳурӣ барои кишти тирамоҳии соли 2023 оғоз намудаанд.

Гандуми хушсифати гурӯҳи элита дорои сертификат буда, ба шароити иқлими Тоҷикистон мутобиқ аст. Баҳрагирандагон соли дуюм аст, ки аз тухмиҳои гуногуни хушсифат васеъ истифода намуда ба он баҳои баланд доданд.

Тақсимоти тухмии гандум ва нуриҳои менералӣ (Карбамид, Селитраи аммоний ва Суперфосфат) аз хоҷагиҳои тухмипарварии вилояти Суғд: аз он ҷумла КТ “Чоркуҳ”-и ш. Исфара, хоҷагиҳои деҳқонии “Нуробод”, “Яккатут”, “Шавқат-4” ва “Пахтакор-2007”- и н.Спитамен, Х/Д “Шоҳҷаҳон” ва “Ҳамроқул Исмоилов”- н. Зафаробод ва Х/Д “Озодбек”-и н. Ҷ.Расулов оғоз гардида, ин иқдом дар хоҷагиҳои тухмипарвари ШНТҶ, вилояти Хатлон ва ВМКБ идома дорад.