ВОХӮРИҲО БО БАҲРАГИРАНДАГОН ОИД БА МЕХАНИЗМИ БАРРАСИИ АРЗУ МУРОҶИАТҲО ДАР САТҲИ МАҲАЛ

Муассисаи давлатии “Рушди соҳибкорӣ дар соҳаи кишоварзӣ” дар доираи Лоиҳаи “Баланд бардоштани устувории кишоварзӣ” ҷиҳати таъмини шаффофияти фаъолияти лоиҳаҳо ва муносибатҳо бо баҳрагирандагон (бенефитсиарҳо), механизми баррасии арзу шикоятҳоро дар сатҳи маҳаллӣ, минтаҳавӣ ва миллӣ ба роҳ монда истодааст.

Ҷиҳати иҷрои Қонуни Ҷумҳурии Тоҷикистон “Дар бораи муроҷиатҳои шахсони воқеӣ ва ҳуқуқӣ” ва талаботи моддаи 10-и банди 10.1 ҳуҷҷати расмии идоракунии муҳити зисту масъалаҳои иҷтимоӣ, тартиби баррасии муроҷиатҳои шаҳрвандон дар доираи Лоиҳаи мазкур таъсиси комиссия дар назар аст.

Комиссия оид ба баррасии муроҷиатҳои шахсони воқеи ва ҳуқуқӣ аз ҷониби Муассисаи давлатии “Рушди соҳибкорӣ дар соҳаи кишоварзӣ”, Мақомотҳои иҷроияи ҳокимияти давлатии ШНТҶ, вилояти Хатлон, Суғд ва ВМКБ таъсис дода хоҳад шуд.

Инчунин вохӯриҳои воқифгардонии аҳолӣ дар бораи баррасии арзу шикоятҳои ҷонибҳои ҷалбгардидаи аҳолии шаҳру ноҳияҳои зикргардида тибҳи нақша давра ба давра баргузор гардида истодаанд.

Дар ин замина ҷиҳати ба роҳ мондани механизми баррасии арзу муроҷиатҳо, аз доираи Лоиҳа тариҳи шартнома ташкилоти ҷамъиятии “Умедбахш” низ ҷалб гардидааст. Кормандони лоиҳа дар якҷояги бо ташкилоти ҷамъиятии “Умедбахш” ва намояндагони маҳомоти иҷроияи ҳокимияти давлатии шаҳру ноҳияҳо 33 вохӯри баргузор намуда, айни ҳол чунин чорабиниҳо дар вилояти Суғд идома доранд.

Вохӯриҳо санаи 07.08.2023 аз вилояти Хатлон оғоз гардида, дар 33 шаҳру ноҳияи ҷумҳури, аз ҷумла дар шаҳру ноҳияҳои тобеи ҷумҳури 9 ҷаласа, вилояти Хатлон 21 ва дар ВМКБ 3 ҷаласа баргузор гардиданд.

Дар чунин ҷамъомадҳо 1009 нафар баҳрагирандагон ва намояндагони маҳомоти иҷроияи ҳокимияти давлатии шаҳру ноҳияҳо, аз ҷумла 228 нафар занон иштирок доштанд.